Buyuk Britaniyaning sobiq bosh vaziri Liz Trass sobiq moliya vaziri Rishi Sunakni bosh vazir etib saylangani bilan tabrikladi va uni qo‘llab-quvvatlashini bildirdi.

“Rishi Sunakni Konservativlar partiyasi rahbari va keyingi Bosh vazir etib tayinlangani bilan tabriklayman. Men sizni to‘liq qo‘llab-quvvatlayman”, deb yozgan Trass tvitterda.

Sunak bugun, 24-oktyabr kuni Buyuk Britaniyaning hukmron Konservativ partiyasi rahbari etib saylandi va bosh vazir lavozimini ham egallaydi.

Trass avvalroq o‘zining iste’foga chiqishini e’lon qilib, o‘zining vorisi saylanmaguncha vazirlar mahkamasi rahbari sifatida qolishini ta’kidlagan edi. Trass iste'foga chiqqanida bor-yo‘g‘i 44 kun bosh vazir bo‘lib ishlagan va bu uni Britaniya tarixidagi eng qisqa muddat bosh vazirga aylantirgan.

• Bosh vazir
• Buyuk Britaniya
• Liz Trass
• Rishi Sunak
• Tabrik