Turkmanistonda nikoh guvohnomasiga ega bo‘lmagan ayollarga haydovchilik guvohnomasini berish taqiqlandi. Bu haqda “Turkman News” xabar berdi.
Nikoh to‘g‘risidagi guvohnomadan tashqari, ayollar oila tarkibi to‘g‘risidagi ma’lumotnoma va ish joyidan ma’lumotnoma, shuningdek, namunaviy hujjatlar to‘plami – pasport, tibbiy ma’lumotnoma va hokazolarni taqdim etishlari shart.
Yana bir norasmiy shart shuki, mashina haydamoqchi bo‘lgan ayol 40 yoshdan oshgan bo‘lishi va uning nomiga avtomashina rasmiylashtirilgan bo‘lishi kerak. Ayollarga vakillik orqali mashina haydashga ruxsat berilmaydi.
2020-yil oxirida 40 yoshdan oshgan ayollar uchun haydovchilik guvohnomalari yangilana boshladi, keyin xorijiy elchixonalar xodimlari hamda oila aʼzolari nogiron yoki saraton kasalligiga chalinganlar yosh cheklovisiz avtomobil haydash imkoniyatiga ega boʻldilar. Keyinchalik yosh cheklovlari olib tashlanganligi haqida xabar berilgan edi, lekin haydovchilik guvohnomasini berish bilan bog'liq asil vaziyat o'zgarishsiz qoldi.
Inson huquqlari tashkilotlari Turkmanistonda ayollarga nisbatan tazyiq va haq-huquqlari poymol etilayotgani haqida muntazam xabar berib keladi. Shu bilan birga, Turkmaniston hukumati BMT va boshqa xalqaro tashkilotlarga respublikadagi gender tengligi haqida muntazam hisobot berib boradi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!