AQSh prezidenti Donald Tramp joriy yil 22–23-noyabr kunlari Janubiy Afrika Respublikasida bo‘lib o‘tadigan G20 sammitida ishtirok etmasligini ma’lum qildi. Bu haqda u Amerika biznes-forumidagi chiqishida bayonot berdi. Uning so‘zlariga ko‘ra, JAR “kommunistik tiraniya” hukmron bo‘lgan mamlakat sifatida G20 kabi muhim tuzilmada qatnashishga loyiq emas.

“Janubiy Afrikada G20 uchrashuvi bo‘ladi. Men u yerga bormayman”, — dedi Tramp. U JARni “Katta yigirmatalik”ka munosib davlat deb hisoblamasligini bildirgan.

Shuningdek, G20 sammitiga Rossiya prezidenti Vladimir Putin ham bormaydi. Sammit davomida Rossiya delegatsiyasiga prezident ma’muriyati rahbari o‘rinbosari Maksim Oreshkin boshchilik qiladi.

• Janubiy Afrika
• Tramp
• sammit