Ijtimoiy tarmoqlarda UFC prezidenti Dana Uayt va uning rafiqasi Enning tungi klubda Yangi yil bayrami vaqtidagi janjali aks etgan video paydo boʻldi.

Qayd etilishicha, er-xotin doʻstlari bilan raqs maydonchasi ustidagi VIP zonada boʻlgan va Dana Ennga nimadir demoqchi boʻlganida, uning yuziga shapaloq urgan.

Dana shu zahotiyoq uning yuziga bir tarsaki tushirgan. Mojaroning keyingi rivojlanishiga er-xotinni ajratgan doʻstlar toʻsqinlik qilishgan.

Shuningdek, Dana va Enn oʻsha paytda juda mast boʻlganligi qayd etilgan.

Oʻz navbatida mazkur holatga Dana Uayt va uning rafiqasi izoh bergan.

“Dana bilan turmush qurganimizga qariyb 30 yil boʻldi. Bu holat uning tabiatida yoʻq. Hech qachon bunday narsa boʻlmagan.

Afsuski, ikkalamiz ham mast edik. Yangi yil arafasida ichkilik koʻp boʻlib, vaziyat har ikki tomondan ham izdan chiqdi.

Buni oila boʻlib muhokama qildik va bir-birimizdan kechirim soʻradik. Umid qilamanki, odamlar bizning shaxsiy hayotimizni farzandlarimiz uchun hurmat qiladilar”, – dedi Enn Uayt.

“Men erkak hech qachon ayolni urish uchun bahona topa olmaydi, degan yigitlardan biriman. Bu dahshatli vaziyatlardan biri. Men chalg‘ib ketdim. Bizning uchta farzandimiz bor va biz ularga ushbu videoni ko‘rsatdik.

Endi biz oilamizga ko‘proq e’tibor qaratmoqdamiz. Odamlarning bu borada o‘z fikri bo‘ladi va odamlarning fikri to‘g‘ri bo‘ladi, ayniqsa mening vaziyatimda. Hech qachon ayolga qo‘l ko‘tarmang”, – dedi UFC rahbari.

• Dana Uayt
• UFC