Ukraina doni ortilgan ilk kema bugun, 1-avgust kuni Ukrainaning Odessa bandargohidan yo‘lga chiqdi. U Serra-Leone bayrog‘i ostida yuk tashuvchi Razoni Odessa portini tark etdi. Bu haqda “CNN Türk” ma’lum qildi.
“Kema Odessa portidan chiqib ketdi”, — deyiladi telekanal xabarida.
Turkiya Mudofaa vazirligi ma’lumotlariga ko‘ra, kema tez orada Livanga yo‘l oladi.
Ma’lumot uchun, joriy yilning 22-iyul kuni Rossiya , Ukraina , Turkiya va BMT vakillari Rossiya mahsulotlarini eksport qilish va Ukraina donini eksport qilish bo‘yicha cheklovlarni bekor qilish to‘g‘risida kelishuvlarni imzoladilar.
Ukraina Qurolli Kuchlarining “Janub” operativ qo‘mondonligi Istanbulda shartnoma tuzilganiga 24 soat o‘tmasdan, 23-iyul kuni ertalab Rossiya harbiylari Odessa dengiz savdo portiga “Kalibr” raketalari bilan hujum uyushtirgani haqida xabar berdi. O‘z navbatida, G‘arb Rossiyani Ukrainadan kelayotgan don mahsulotlari jahon bozorlariga chiqishiga qarshilik qilayotganlikda aybladi. Moskva esa bu ayblovlarni qat’iyan rad etdi.
BMT Bosh kotibi o‘rinbosari, Afrika iqtisodiy komissiyasi ijrochi kotibi Vera Songvening so‘zlariga ko‘ra, “mahsulot kelishuvi”ning amalga oshirilishi 23 million tonna Ukraina g‘allasini jahon bozorlariga yetkazib berish imkonini beradi.
Birlashgan Millatlar Tashkiloti don taqchilligi tufayli oziq-ovqat inqirozi xavfi borligini bir necha bor ta’kidlagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!