Nashrning qayd etishicha, o‘tgan yilgi 20 ta taxmindan faqat uchtasi amalga oshmagan.
- “Financial Times” nashrining taxminlariga ko‘ra, Donald Tramp boshqa AQSH prezidenti bo‘lmaydi. Biroq, agar u Kolorado va Meyn shtatlarida nomzodligiga qarshi qonuniy to‘siqlarni bartaraf eta olsa, saylov juda qiziq poygaga aylanadi. Shunga qaramay, AQSHning amaldagi prezidenti Jo Bayden saylovda g‘alaba qozonadi. Tramp ovoz berishdan oldin to‘rtta sud jarayonidan kamida bittasida aybdor deb topiladi va Trampning harakatlarini Bayden o‘ziga nisabatan jinoiy hamda siyosiy taʼqib sifatida tasniflaydi.
- 2023 yil oxirida moliyaviy yordam bilan bog‘liq muammoviy muzokaralarga qaramay, AQSH va Yevropa Ittifoqi Ukrainani moliyalashda davom etadi. Agar Tramp haqiqatan ham AQSH prezidentligiga qaytsa, bu Kiyev uchun muammoga aylanadi, deb yozadi gazeta. Ukraina G‘arb tomonidan qo‘llab-quvvatlansa ham harbiy muvaffaqiyatga erishishi qiyin bo‘lishi mumkin. Shuningdek, Moskva bilan muzokaralar olib borishdan boshqa yo‘li qolmasligi taxmin qilinmoqda.
- Isroil va XAMAS o‘rtasidagi urushga Hizbulloh aralashganiga qaramay, bu Yaqin Sharqda keng ko‘lamli mojaroga olib kelmaydi. Vaziyat juda beqaror, ammo diplomatik bosim uni bostiradi degan umid bildirilgan. Negaki, Vashington ham, Tehron ham Hizbulloh va Isroil o‘rtasidagi janglar kuchaygan taqdirda mintaqaviy mojaroning kengayishini istamaydi, deb yozadi jurnalistlar.
- X kompaniyasi 2024-yilda bankrot bo‘ladi. Garchi Mask Tesla va SpaceX kompaniyalarida bo‘lgani kabi bankrotlik haqidagi ogohlantirishlardan motivatsiya sifatida foydalangan bo‘lsada, bu safar vaziyat uning foydasiga o‘ynamaydi. Kompaniyalar X-ga reklama joylashtirishdan voz kechishmoqda buning natijasida yangi daromad oqimlarini yaratish harakatlari muvaffaqiyatsizlikka uchraydi. Shu bilan birga, Mask bankrotlikdan omon qolishi va baribir birinchi o‘ringa chiqishi mumkin, deb o‘ylab o‘tirishga ham hojat yo‘q deyiladi nashr tahlillarida.
- FT prognozlariga ko‘ra, 2023-yilda dunyo bo‘ylab juda ko‘p ekstremal issiq haroratlar qayd etilganki, 2024-yil bu ko‘rsatgichlar rekord darajaga yetadi. Olimlar Tinch okeanining ekvatorial qismida suvning sirt qatlami haroratining o‘zgarishi tufayli selsiy bo‘yicha 3 darajagacha isish kuzatilgandan so‘ng shu taxminga kelishgan.
- Jurnalistlar Xitoyning iqtisodiy o‘sishi hali ham 4% dan oshishiga ishonishmoqda.
- Shuningdek, Ursula fon der Leyen yana Evropa Komissiyasi rahbari bo‘ladi, agar u kuchlardan to‘g‘ri foydalana olsa, deyiladi nashr analizlarida.
- Hamda Argentinaning yangi prezidenti Xaver Mayli milliy pul birligi pesoni dollarga o‘zgartirmasligi taxmin qilinmoqda.
26°
Kechasi 15°
