Pulsarlar elektromagnit nurlanishning impulslarini chiqaradigan va yuqori tezlikda aylanadigan neytron yulduzlar bo‘lib, ular massiv o‘layotgan yulduzlarning yadrolaridan va o‘ta yangi yulduzlarning portlashi  natijasida hosil bo‘ladi.

“ FAST radioteleskopning barqaror ishlashi tufayli tadqiqot va kuzatishlar oltin davrga kirdi”- deya iqtibos keltiradi FAST bosh muhandisi Jiang Peng.

FAST (Besh yuz metr diafragmada joylashgan sferik radio teleskop) ulkan radioteleskopini qurish tashabbusi 1994-yilda xitoylik mutaxassislar tomonidan ilgari surilgan edi. Maydoni 30 ta futbol maydoniga teng. Teleskopning qurilishi 2011-yilning mart oyida boshlangan. FAST 2016-yil sentyabr oyida Guychjou provinsiyasi, Qiannan Bui Miao avtonom prefekturasi, Pingtang okrugining uzoq tog‘li hududida foydalanishga topshirildi. Bu hozirgacha Xitoyning eng qimmat astronomiya loyihasi bo‘lib, uning qiymati 1,2 milliard yuan (180 million dollar). U rasman 2020-yil yanvar oyidan ishlay boshlagan va dunyodagi eng sezgir radioteleskop hisoblanadi.

• Koinot
• Teleskop
• Xitoy
• qiziqarli