Mashhur xitlar muallifi Sia shaxsiy hayotni yopiq holda saqlashga va unga begona odamlarni kiritmaslikka harakat qiladi. Xonanda kamdan kam hollarda intervyu beradi, biroq Sia yaqinda unga autizm tashxisi qo‘yilganini tan oldi.

“Men spektrdaman, tuzalib ketyapman. Faqat so‘nggi ikki yil ichida butunlay o‘zimga aylandim”, – dedi xonanda. Uning so‘zlariga ko‘ra, bu vaqt ichida u ko‘p narsani tushungan.

Siz sirlarga to‘lib yashasangiz, sizni hech kim tanimaydi. Biz notanishlar bilan to‘la xonada o‘tirib, ularga eng chuqur, eng qorong‘u sirlarimizni aytsak va hamma biz bilan birga kulsa, o‘zimizni bu hayotda keraksiz kabi his qilmaymiz”, deb davom etdi xonanda.

• Lifestyle
• qiziqarli