21-fevral, juma kuni kechqurun Italiyada Covid-2019 infeksiyasi tufayli birinchi o‘lim holati qayd etildi. 78 yoshli erkak vafot etgach, Veneto viloyati aholisi o‘n kun davomida Padua shahridagi shifoxonaga joylashtirildi. Lekin shunga qaramay kasallik kuchayib bormoqda, deb xabar beradi TSN.ua nashri.

Ertasi kuni yana bir bemor – Lombardiya viloyati fuqarosi kasallik qurboni bo‘ldi. 23-fevral holatiga ko‘ra, ushbu viloyatda kasallikka chalinganlar soni 89 kishiga yetgan.

Epidemiya avj olgani munosabati bilan Bosh vazir Juzeppe Konte xavfsizlik choralarini kuchaytirish to‘g‘risida topshiriq berdi. Hozir shimoliy viloyatlarning bir necha o‘nlab shaharlari karantin ostida qolgan. Rasmiylar mahalliy aholiga zarurat bo‘lmaganda uydan chiqmaslikni maslahat bermoqda.

Lombardiya va Veneto hududida harakatlar cheklangan. Kontening so‘zlariga ko‘ra, endi maxsus ruxsatsiz kasallik avj olgan hududlarga kirish va chiqish taqiqlanadi. Maktablar, do‘konlar, muzeylar va davlat idoralari cheklangan rejimda ishlaydi.

Karantin sport tadbirlariga ham ta’sir ko‘rsatdi. A Seriyaning uchta o‘yini koronavirus sabab bekor qilindi. “Inter” – “Sampdoriya”, “Verona” – “Kalyari”, “Atalanta – Sassuolo” o‘rtasidagi uchrashuvlar noma’lum muddatga qoldirilgan.

“Virusning yuqish darajasi juda yuqori, u juda kuchli”, deydi Lombardiya sog‘liqni saqlash boshqarmasi boshlig‘i Julio Galler.
Italiyada bu kasallik qanday paydo bo‘lganligi haligacha noma’lum.

Eslatib o‘tamiz, virus Xitoyning Uxan shahridagi dengiz mahsulotlari bozorida tarqala boshlagan. Isitmaga o‘xshash alomatlarni keltirib chiqaradi, ammo o‘pka va boshqa organlarga juda tez ta’sir qiladi.

Taxminlarga ko‘ra, ba’zi hayvonlar koronavirus tarqalishining manbayidir. Shu bilan birga, virus havo tomchilari orqali odamdan odamga yuqadi.
Jahon Sog‘liqni Saqlash Tashkiloti (JSST) koronavirusni xalqaro ahamiyatga ega “favqulodda holat” deb e’lon qilgan.