Ижтимоий тармоқларда кўплаб муҳокамаларга сабаб бўлган мактабга дарёдан қайиқда сузиб ўтиб қатнайдиган ўқувчи қизга ҳоким китоблар жамланмаси ва ноутбук совга қилди. Бу ҳақда Сирдарё вилояти матбуот хизмати хабар берди.
Маълум қилинишича, Сирдарё вилояти ҳокими вазифасини бажарувчи Акмалжон Махмудалиев Гулистон тумани Соҳилобод маҳалласидаги 15-умумтаълим мактабига ташриф буюрган ва ўқувчи қиз, асли Тошкент вилояти Бекобод тумани Янги ҳаёт маҳалласида яшовчи Замира Тўйчиеванинг онаси билан суҳбатда бўлган.
“Аввало, қизингизни жасоратини кўриб қойил қолдим. Илмга чанқоқлиги шундоққина кўриниб турипди. Чуқур таълим олиши учун қўлимиздан келган барча ёрдамни кўрсатамиз!”, — дейди вилоят ҳокими.
Вилоят ҳокими Акмалжон Махмудалиев ўқувчи қизнинг онаси билан суҳбатлашар экан, қизни “жасорат”и сабаб эшкак эшиш спортига беришни таклиф қилди.
“Кўрамиз, балки шундай “жасорат”и сабаб қизингизни эшкак эшиш спортига берармиз. Ростан, шундайлардан чемпион чиқади”,– дейди ҳоким.
Шунингдек, Замира Тўйчиевага ўқишда фойдаланиши учун ноутбук, китоблар жамланмаси ҳамда янги йил совғалари берилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!