2022–2026 йилларга мўлжалланган Янги Ўзбекистоннинг тараққиёт стратегиясини «Инсонга эътибор ва сифатли таълим йили»да амалга оширишга оид давлат дастури тўғрисидаги Ўзбекистон Республикаси Президенти Фармони лойиҳаси кенг жамоатчилик муҳокамаси учун эълон қилинди.

Давлат дастури лойиҳаси жами 309 та банддан иборат.

Шунингдек, лойиҳада:

– 2023/2024-ўқув йилидан бошлаб республиканинг барча вилоятлари ва Тошкент шаҳрида бошланғич синф ўқувчиларини бепул овқат билан таъминлашни йўлга қўйиш;

– 2023/2024-ўқув йилидан бошлаб давлат грантларини коллеж ва техникумларнинг дуал таълим шакли бўйича ҳам ажратиш;

– вақтинча меҳнатга лаёқатсизлик варақалари ва бошқа тиббий маълумотномалар берилишини босқичма-босқич электрон шаклга ўтказиш;

– 200 та давлат хизматларини давлат хизматлари марказлари ҳамда Ягона интерактив давлат хизматлари портали орқали кўрсатишни йўлга қўйиш;

– 2024 йил 1 январдан бошлаб пенционерга ҳисобланган, лекин ўз вақтида олинмаган пенсияни тўлаш муддатини 12 ойдан 24 ойга узайтириш;

– янги уй-жойлар қуришнинг йиллик ҳажмларини 2 баробарга ошириб, 90 мингга етказиш;

– 2023 йил 1 июлдан бошлаб Тошкент шаҳрида босқичма-босқич давлат тиббий суғуртаси механизмларини жорий этиш кабилар назарда тутилган.

Маълум қилинишича, Фармон лойиҳаси муҳокамаси 2023 йил 17 февраль кунига қадар давом этади.

• Давлат дастури
• Фармон
• Умумхалқ муҳокамаси