Метро поездлар ҳаракати ва йўловчилар хавфсизлигини таъминлаш ҳамда сифатли хизмат кўрсатиш мақсадида, ерусти эстакадалари ва бекатлари маълум муддат фойдаланилгандан сўнг режали профилактик ишларни амалга ошириш зарур.

Шу муносабат билан, “режали профилактик ишлар амалга ошириш учун 2025 йил 2 август санасидан бошлаб, 6 та бекатдан иборат “Технопарк – Янгиобод” бекатлари оралиғида метро поездлар ҳаракати тўхтатилади”, – деб хабар бермоқда Тошкент метрополитени Telegram каналида.

Тошкент метрополитени йўловчиларга ноқулайлик туғдирмаслик мақсадида, “Технопарк-Қипчоқ-Технопарк” метро бекатлари оралиғида бепул хизмат кўрсатувчи катта сиғимли автобуслар (метробус) ҳаракати йўлга қўйилади.

“Ушбу автобусларнинг кунлик иш вақти тонгги 05:00 дан тунги 23:00 га қадар амалга оширилади”, - дейилади хабарда.

• Metropoliten
• Тошкент