Ўзбекистоннинг олтин-валюта захиралари 66,31 миллиард долларни ташкил этиб, кетма-кет бешинчи ой рекорд ўрнатди.

Марказий банк маълумотларига кўра, 2026 йил 1 январь ҳолатига кўра, захираларидаги активларнинг умумий қиймати 66,31 миллиард долларни ташкил этди. Сўнгги ойда захиралар 5,08 миллиард долларга ёки 8,3 фоизга, йил бошидан эса 61 фоизга ошди. Захиралардаги олтин қиймати ҳам рекордини янгилаб, 55,09 миллиард долларни ташкил этди. Ушбу қимматбаҳо металл нархи бир ойда 4,23 миллиард доллардан ортиқ ошди. Олтиннинг ҳажми ҳам ошиб, 12,6 миллион трой унцияга тенг бўлди. Захиралардаги валюта 8,4 фоизга ошиб, 10,64 млрд долларни ташкил эди. Бунда хорижий марказий банклар ва ХВЖдаги ҳисоб рақамларидаги валюта захиралари миқдори 1,48 миллиард доллар, хорижий банкларда эса 7,63 млрд доллар бўлган. Қимматли қоғозлар қиймати 5,3 миллион долларга кўпайиб, 1,53 миллиард долларга етди. Шу билан бирга, уларнинг умумий захиралардаги улуши 2,31 фоизгача камайди.

• Олтин
• Ўзбекистон
• рекорд