Оммавий ахборот воситалари ва ижтимоий тармоқларда тарқалган хабарлар асосида Олий Мажлиснинг Инсон ҳуқуқлари бўйича вакилининг (Омбудсман) Навоий вилоятидаги минтақавий вакили томонидан вилоятдаги 5-сонли жазони ижро этиш колониясига мониторинг ташрифи амалга оширилди.

Ташриф давомида мазкур муассасада жазо муддатини ўтаётган маҳкум А.Т. (Мубашшир Аҳмад)нинг соғлиғи, сақланиш шароитлари ва унга кўрсатилаётган тиббий ёрдам ҳолати ўрганилди. Маҳкум тиббий ёрдамдан шикояти йўқлигини, соғлиғи доимий назоратда эканини маълум қилган.

Шунингдек, у ўз хоҳишига кўра меҳнат фаолиятига жалб этилгани, меъёридан ортиқча меҳнатга жалб этилмаётгани, озиқ-овқат таъминоти ва яшаш шароитлари бўйича эътирози йўқлигини қайд этган.

• Навоий
• Омбудсман