Жорий йилнинг 14-23 июль кунлари оралиғида 2025-2026-йилги ўқув йили олий таълим муассасаларига кириш имтиҳонлари бўлиб ўтади. Мазкур жараёнлардан аввал “Билим ва малакаларни баҳолаш агентлиги” абитуриентларга муҳим огоҳлантиришлар билан мурожаат этди.

“Вазирлар Маҳкамасининг 2018 йил 3 апрелдаги 261-сонли қарори асосида тасдиқланган Низомга мувофиқ абитуриентлар тест синови ўтказиладиган ҳудудга ёки бинога тақиқланган воситалар олиб киришга ҳаракат қилса, олиб кирса ёки улардан фойдаланса тест синовларидан четлаштирилади ва тест натижалари чиқарилмайди.

Шунингдек, барча абитуриентлардан рухсатномасида белгиланган вақтдан кечикмаган ҳолда паспорт (ИД карта) ва абитуриент рухсатномаси билан тест синови бўлиб ўтадиган ҳудудга етиб келишларини сўраймиз”, - дейилади хабарда.

• Bilim va malakani baholash agentligi
• Qabul OTM
• Test to‘lovi
• абитуриент