Консервативлар партияси раҳбари ва Буюк Британия Бош вазири лавозимига номзод ташқи ишлар вазири Лиз Трасс Шотландия мустақиллиги бўйича янги референдумга кескин қарши чиқди. Агар у ҳукумат бошлиғи лавозимига сайланса, Шотландия аҳолиси учун бундай эркинликлар кутилмайди. Бу ҳақда у “Тhe Daily Telegraph” нашрига берган интервиюсида айтиб ўтди.

“Шотландия халқи референдум авлодда бир марта ўтказиладиган имконият эканлигига рози бўлишди. Агар мен Британия Бош вазири бўлсам, уларни бу сўзларида туришга мажбур қиламан. Бу Шотландия ва Буюк Британия учун нодемократикдир. Истаган натижаларга эришмагунингизча, сўровнома ўтказа олмайсиз. Мустақиллик ҳақидаги ҳар қандай референдум парламент томонидан рухсат этилиши керак. Агар мен Бош вазир бўлсам, бундай ваколатларни бермайман. Бош вазир сифатида иттифоқимизни ҳимоя қилиш учун зарур ва тўғри бўлган ишни қиламан. Ҳудди Шимолий Ирландия протоколи бўйича қилганимдек... Менинг раҳбарлигим даврида Шотландия мустақиллиги бўйича иккинчи референдум ўтказилмаслигига мутлақо аминман”, — дейди Трасс.

Трасснинг қўшимча қилишича, мамлакат инқироз даврида турибди, шунинг учун Шотландия Миллий партияси Шотландия халқини таъминлаш ва нотўғри ишларни тузатишга эътибор қаратиши керак.

“Бош вазир сифатида мен уларни жавобгарликка тортаман. Улар энди Шотландия халқининг эҳтиёжларини ўзлари эътиборсиз қолдириб, бунинг учун Вестминстерни айблашолмайди. Шунингдек, бу ҳаракатларни мустақилликка бўлган эҳтиёж билан боғлай олишмайди”,– дейди у.

Маълумот учун, Шотландия мустақиллиги бўйича референдум 2014 йилда бўлиб ўтган эди. Унинг иштирокчиларининг 55 фоизи Лондон билан иттифоқни сақлаб қолиш тарафдори эди. Бироқ, Стургеон вакили бўлган Шотландия миллий партияси сўнгги йилларда Буюк Британиянинг Европа Иттифоқини тарк этганлиги сабабли, иккинчи овоз бериш зарурлигини таъкидламоқда. Жорий йилнинг 28 июнь куни Шотландия биринчи вазири Никола Стуржён 2023 йил 19 октябрьда минтақанинг Бирлашган Қиролликдан ажралиб чиқиши бўйича референдум ўтказишни таклиф қилди . Эдинбургдаги минтақавий парламентда сўзлаган нутқида у бу масала Буюк Британия Олий суди кўриб чиқилишини айтди.

• Liz Trass
• Referendum\
• Shotlandiya
• ozodlik