Алишер Усмоновга тегишли компания “Капиталбанк”дан яна улуш сотиб олди.

“Тошкент” республика фонд биржаси маълумотларига кўра, россиялик тадбиркор Алишер Усмоновга тегишли бўлган USM Holding компанияси қошидаги “Телекоминвест” ҳамда унга аффилланган ва Ўзбекистонда рўйхатдан ўтган “Finance TCI” МЧЖ “Капиталбанк” устав капиталининг 61,54 фоиз акцияларига эгалик қилмоқда.

8 феврал куни “Тошкент” республика фонд биржасида ташкиллаштирилган савдода “Finance TCI” МЧЖ банкнинг 16 493 327 дона оддий акцияси (3,85 фоиз)ни сотиб олган ва ўзининг умумий акциялари миқдорини мазкур битимдан сўнг 263 миллион 893 минг 229 донага етказиб олган.

• Алишер Усмонов
• Капиталбанк