Андижон вилоятида ўтказилган тезкор тадбирлар давомида зарар миқдорини камайтириш ва йирик кредит ажратишда ёрдам беришни ваъда қилган икки мансабдор шахс ушланди. Биринчи ҳолатда, Қурилиш ва уй-жой коммунал хўжалиги соҳасида ҳудудий назорат инспексиясининг шўба бошлиғи ичимлик сувидан ноқонуний фойдаланиш оқибатида давлатга етказилган қарийб 680 миллион сўмлик зарар миқдорини камайтириб бериш ва маъмурий чоралар кўрилишида ёрдам бериш эвазига 30 миллион сўм талаб қилган. У пулни олаётган вақтда ашёвий далиллар билан қўлга олинди.

Иккинчи ҳолатда эса тижорат банкларидан бирининг Асака тумани филиали бош менежери фуқарога 3 миллиард 650 миллион сўмлик кредит ажратилишига кўмаклашиш эвазига 8 минг АҚШ доллари талаб қилган.     

У апрель–май ойларида жами 7 800 АҚШ доллари олган, кейинчалик унинг бир қисмини қайтараётган пайтда тезкор тадбир давомида ушланди.Ҳар икки ҳолат юзасидан жиноят ишлари қўзғатилиб, тергов ҳаракатлари олиб борилмоқда.