Президент Шавкат Мирзиёевга балиқчилик тармоғини ривожлантириш ва қўллаб-қувватлашга қаратилган янги таклифлар тақдим этилди.Маълум қилинишича, 2025 йилда мамлакатда 206 минг тонна балиқ етиштирилган бўлса, мавжуд имкониятлардан тўлиқ фойдаланиш орқали бу кўрсаткични бир неча баробар ошириш мумкин. Шу мақсадда келгуси йилда балиқ ишлаб чиқариш ҳажмини 500 минг тоннадан ошириш вазифаси белгиланди.

Бунинг учун табиий сув ҳавзалари ва уларга туташ ер майдонларини шаффоф тизим асосида ижарага бериш, интенсив балиқчиликни ривожлантириш, ёпиқ сув айланма тизимларини жорий этиш ҳамда наслли балиқлар импортини субсидия билан қўллаб-қувватлаш режалаштирилган.Шунингдек, балиқчилик хўжаликларига имтиёзли кредитлар ажратиш, фоиз харажатларининг бир қисмини қоплаш, қуёш панелларини ўрнатишни рағбатлантириш ва замонавий технологияларни кенг жорий этиш кўзда тутилган.

Режаларга кўра, форел, осётр, карп ва лаққа каби балиқ турларининг наслини яхшилаш, илмий тадқиқотларни кенгайтириш ҳамда соҳани рақамлаштириш орқали маҳсулдорликни оширишга алоҳида эътибор қаратилади.