“Тел-Авивдаги Бен-Гурион фуқаролик аэропортида ҳафта бошида АҚШ армиясининг ёнилғи қуйиш самолётлари саф тортди. Хъда эълон қилинган кадрлар шундан далолат беради”, – деб хабар бермоқда Bild нашри.

Қайд этилишича, 24 февраль куни АҚШ Британиянинг 12 та F-22 қирувчи самолётини ҳам Исроилнинг Негев чўлидаги базасига жойлаштирган. Улар Эроннинг иттифоқдоши бўлган Ямандаги ҳусий-террорчиларнинг ракеталарини тезда тутиб олишга қодир. Бу ҳаракатлар АҚШ ҳужумидан кейин Эроннинг эҳтимолий жавоб зарбасига қарши туриш учун амалга оширилмоқда.

Шу билан бирга, АҚШнинг иккинчи авиаташувчиси – USS Gerald R. Форд Ўрта ер денгизига етиб келди ва яқин кунларда Исроилнинг Ҳайфа шаҳрига  бориши керак. АҚШ президенти Доналд Трамп ҳукумати “Оятуллоҳ” режими билан музокаралар боши берк кўчага кириб қолган тақдирда Эронга эҳтимолий ҳужумга максимал даражада тайёр бўлишга уринмоқда.

19 февраль куни Трамп Теҳронга келишувга эришиш учун тахминан 10-15 кун вақт беришини маълум қилди. АҚШ Эрон ядровий ва ракета дастурларини бутунлай бекор қилишга, шунингдек, минтақадаги ХАМАС, “Ҳизбуллоҳ” ва ҳусийлар каби Эрон билан иттифоқдош радикал қуролли гуруҳларни қўллаб-қувватлашни тўхтатишга эришмоқчи.

• АҚШ
• Eron
• Havo hujumi
• Samolyot
• Уруш