Январь ойида Трамп томонидан ўтказилган Венесуэла президентини қўлга олиш бўйича махсус операция “минимал харажатлар” билан амалга оширилган ва атиги икки соат давом этган, дея маълум қилди АҚШ президенти маъмурияти. Бироқ минтақада АҚШ Ҳарбий-денгиз кучларининг 6 ойлик ҳарбий иштироки учун умумий харажатлар 2,9 млрд доллардан ошган

“2025 йил ноябрдан 2026 йил январгача АҚШ ҳарбий гуруҳининг Кариб ҳавзасида бўлиши кунига тахминан 20 млн долларга тушган, шундан 11,4 млн доллари USS Gerald Ford авиаташувчиси бошчилигидаги зарба гуруҳи ҳиссасига тўғри келган. У ўтган йил кузида операция зонасига етиб келганидан сўнг умумий харажатлар 700 млн доллардан кўпроққа ошган”, – дея қайд этади Блоомберг.

“2 млрд доллардан ортиқ маблағ ҳукумат томонидан Пентагонга ажратилган маблағлар ҳисобидан сарфланган. Бироқ бу сумма шахсий таркиб, разведка ва киберқўллаб-қувватлаш бўйича қўшимча харажатларни ўз ичига олмайди”, – дея таъкидлади Пентагоннинг собиқ молиявий назоратчиси Элейн Маккаскер.

• АҚШ
• Венесуэла