АҚШ расмийлари Европа Иттифоқидан Ўзбекистон ва Тожикистон фуқаролари учун aэропорт транзит визаси талаб қилишни сўраган.

Маълумотга кўра, мазкур талаб террорчиларнинг АҚШга кириб келишининг олдини олиш бўйича кенг кўламли саъй-ҳаракатларнинг бир қисмидир.

Байден маъмурияти Европа Иттифоқи ва бир қанча аъзо давлатларни Марказий Осиёнинг айрим давлатларидан келган саёҳатчиларга нисбатан кескин чоралар кўриши ҳақида огоҳлантирди.

Хабарда келтирилишича, виза назоратини кучайтириш террорчиларнинг АҚШга кириб келишининг олдини олиш бўйича кенг кўламли саъй-ҳаракатларнинг бир қисмидир.

Бу талаб йил бошида бир гуруҳ муҳожирлар “Исломий давлат” билан алоқаси бўлган контрабандачи ёрдамида АҚШга жануби-ғарбий чегарадан кириб келгани билан боғлиқ.

Маълумот учун, АҚШ Федерал қидирув бюроси август ойида жанубий чегарада бошпана сўраган Ўзбекистон ва бошқа мамлакатлардан келган ўндан ортиқ муҳожирни тергов қилган. Ўша пайтда ФҚБ берган баёнотда ҳеч қандай аниқ террорчилик режаси аниқланмаган. Лекин расмийлар ИШИДга алоқадор контрабандачи билан алоқани фақат муҳожирлар АҚШга кирганидан кейин англаб етган.

• АҚШ
• Байден
• Терроризм
• Visa