"Бизнинг доимий энг катта орзу-мақсадимиз ёшлар ўртасида билим ва ақл-заковатга қизиқишни тренд даражасига чиқариш бўлиб келган. Биз бундан икки йил аввал ҳар бир йигит-қиз билими ва ақл-идрокини намоён эта оладиган форматни таклиф қилгандик. Ёшлар ўзига бўлган ишончни мустаҳкамлайдиган ўйин майдонини яратдик. Бугун “Заковат-Гамбит” турнири доирасида юртимизнинг зукко ёшлари шахмат тахтасида машҳур жаҳон чемпионлари Владимир Крамник ва Хоу Ифанга қарши дона сурдилар.

Ишончим комилки, бу воқеа уларнинг ҳар бирида унутилмас таассурот қолдирди ва кейинги чўққиларни забт этишда замин бўлиб хизмат қилади. Иштирокчилар эса, ўз навбатида, миллатимиз учун намуна бўлиб қолади. Ақлли, ёрқин ва истеъдодли фарзандлар намунаси", - дея таъкидлаган Саида Мирзиёева.

"Шахсан мен ишонаманки, таълимни ривожлантириш, илмни трендга олиб чиқиш йўлидаги барча лойиҳаларимиз келажакда ўз мевасини беради. Уриламиз, суриламиз лекин барибир мақсадимизга етамиз.
Масалан, куни кеча Илон Маскнинг навбатдаги янги ракетаси осмонда портлаб кетди. Ёки бўлмаса "В этом обновлении исправлени ошибки..." деб номланган Apple'нинг иОС 17.1.1 операцион тизими ҳам юклаб олиш учун телефонимизда пайдо бўлди. Иш бор жойда хато бўлади. Лекин иғвогарларнинг сассиқ гапларига қараб, бўшашиб ҳеч нарса қилмай, қўлни қовуштириб ўтирганида эди, Илон Маск бугунги даражага етиб келмаган бўларди.

Шунинг учун ҳам майда хатоларни деб катта хатоларни тузатиш учун қилаётган ислоҳотларимизга халақит беришга уринманг. Ундан кўра дуо қилинг. Ўзингиздан тортиб ҳатто бизгача инсоф сўранг. Мен хам дуо қиламан.

Илоҳим юртимиз илмлилар, олим-у ўқимишлилар юртига айлансин.
Буюк Ўзбекистоннинг мавқеи янада баланд бўлсин. “Заковат Гамбит” ғолибларига мукофотлар муборак бўлсин", - дея ёзган Комил Алламжонов.

• Саида Мирзиёева
• Заковат