БМТ Бош котиби Антониo Гутерриш баёнотида Совет Иттифоқининг биринчи президенти Михаил Горбачёвга тарих ривожини ўзгартирган давлат арбоби деб таъриф берди.

Унинг фикрича, Горбачёв Совуқ урушни тинч йўл билан тугатиш учун ҳаммадан кўра кўпроқ ҳаракат қилган давлат арбоби бўлган.

Бош котиб “Бирлашган Миллатлар Ташкилоти номидан Михаил Горбачёвнинг оила аъзоларига ҳамда Россия Федерацияси халқи ва ҳукуматига самимий ҳамдардлик билдираман”, – деди.

“У 1990 йилги Тинчлик бўйича Нобел мукофотини қўлга киритди. Михаил музокаралар, ислоҳотлар, ошкоралик ва қуролсизланиш йўлидан бориш орқали ҳаётий тушунчани амалда қўллади”, – дейилади баёнотда.

• АҚШ
• БМТ
• Михаил Горбачёв
• Россия
• Yevropa Ittifoqi