Таиланд пойтахти Бангкок шаҳрида бокс бўйича икки ёш тоифасидаги Осиё чемпионати давом этмоқда.

Бугун қитъа биринчилигининг U-22 ёш тоифасидаги баҳсларида 1/2 финал жанглари ўтказилди. Қувонарлиси, ушбу босқичга етиб келган 10 боксчимиздан 9 нафари рақибларини ишончли тарзда мағлуб этишди. Бу билан ўзбекистонлик боксчилар энг кўп иштирокчи билан финалга йўл олишди.

-50 кг вазнда мезбонлар вакили Тҳитиват Пҳлонгаураига қарши рингга кўтарилган Беҳруз Холдоров муросасиз баҳсда 2:3 ҳисобида имкониятни бой бериб, Осиё чемпионатининг бронза медали билан тақдирланадиган бўлди. Тўртта жангда боксчиларимиз рақибларини техник нокаутга учратишди. Тўққиз нафар боксчимиз 11 август куни Осиё чемпионлиги учун рингга кўтарилади.

Боксчиларимизнинг бугунги натижалари:

-50 кг: Беҳруз Холдоров - Тҳитиват Пҳлонгаураи (Таиланд) 2:3;

-55 кг: Самандар Олимов - Жинсеонг Ҳонг (Корея Республикаси) 1-раундда нокаут;

-60 кг: Шоҳрух Абдумаликов - Ҳарш (Ҳиндистон) 5:0;

-65 кг: Саят Илёсов - Дамдиндорг Пусевдорж (Мўғулистон) 2-раундда техник нокаут;

-70 кг: Муҳаммадазизбек Исмоилов - Моето Кавамура (Япония) 5:0;

-75 кг: Шавкатжон Болтаев - Тҳананчаи Пҳоемсап (Таиланд) 5:0;

-80 кг: Раҳматулло Бойматов - Ҳаоран Ду (Хитой) 5:0;

-85 кг: Абдулазиз Абдураҳмонов - Чанеонг Нам (Корея Республикаси) 2-раундда техник нокаут;

-90 кг: Шаҳзод Полвонов - Маюр (Ҳиндистон) 4:1;

+90 кг: Ҳалимжон Мамасолиев - Ёосеунг Шин (Корея Республикаси) 2-раундда техник нокаут.

• Bangkok
• Бокс
• Осиё Чемпионати
• Tailand