Кеча, 21-феврал куни Болгариянинг София шаҳрида давом этаётган бокс бўйича Странжа—2023 мусобақасининг иккинчи кунги жанглари бўлиб ўтди.

Баҳсларда иштирок этган 13 нафар ўзбекистонлик боксчидан 12 нафари кейинги босқич масаласини нақд қилди. Жанглардан бирида ўзбекистонлик боксчилар ўзаро тўқнаш келди.

-71 кг вазн тоифасида ҳаракат қилаётган ўзбекистонликлар тўқнашувида Саиджамшид Жаъфаров Иқболжон Холдоровни мағлубиятга учратди.

Кечаги жанглар натижалари:

Абдумалик Ҳалоков (-57 кг) Эквадор вакили Жан Кайседони таслим этди (5:0);

Руслан Абдуллаев (-63,5 кг) Дмитрий Жашкевични (ЙБК) мағулубиятга учратди (5:0);

Мужибилло Турсунов (-63,5 кг) грузиялик Лаша Гагнидзедан устун келди (5:0);

Нурислом Исмоилов (-71 кг) жазоирлик Ячи Юсуф Исломни енгди (5:0);

Саиджамшид Жаъфаров (-71 кг) ўзбекистонликлар тўқнашувида Иқболжон Холдоровни мағлуб этди (5:0);

Миразизбек Мирзахалилов (-54 кг) ирландиялик Дилан Иглесонни мағлуб этди (5:0);

Асадхўжа Мўйдинхўжаев (-67 кг) Аргентина вакили Маркос Жоелни енгди (5:0);

Бекзод Ҳамидовнинг (-67 кг) рақиби соғлиғидаги муаммо сабаб рингга чиқмади ва Ўзбекистон вакили кейинги босқичга йўл олди;

Шаҳзод Музаффаров (-54 кг) бразилиялик Пабло де Хесусдан устун келди (5:0);

Шоҳжаҳон Абдуллаев (-86 кг) болгариялик Кристиан Димитровни енгди (3:2);

Одилжон Аслонов (-80 кг) Бразилия вакили Вандерлей Перейрани мағлубиятга учратди (5:0);

Мадиёр Саидраҳимов (-92 кг) люксембурглик Мишел Ерпелдингни енгди (5:0).

Ўз навбатида, бугун 10 нафар ўзбекистонлик боксчи рингга кўтарилади.

Бугунги қарама-қаршиликлар:

-52 кг: Нозимахон Бултурова - Жёти (Ҳиндистон)

-60 кг: Шунқор Абдурасулов - Айкол Мизан (Туркия)

-60 кг: Атҳамжон Муҳиддинов - Каталино Варгас Виктор Мануел (Испания)

-60 кг: Дилшод Абдумуродов - Вариндер Сингҳ (Ҳиндистон)

-63,5 кг: Руслан Абдуллаев - Абдулло абу Араб (Дания)

-63,5 кг: Мужибилло Турсунов - Ертуган Зеинулинов (Қозогистон)

-75 кг: Ҳавасбек Асадуллаев - Морено Фендеро (Франсия)

-75 кг: Аълохон Абдуллаев - Абдулазиз Абдупаттаев

+92 кг: Баҳодир Жалолов - Жошуа Эдвардс (АҚШ).

• Бокс
• Ўзбекистон
• Странжа