2025 йилнинг ўтган 6 ойи мобайнида Олий Мажлиснинг Бола ҳуқуқлари бўйича вакили - омбудсман номига келган 885 та мурожаат кўриб чиқилди. (ўтган йилнинг шу даврига нисбатан 47 фоизга ошган).

20 та мурожаат (2,3%) вояга етмаган шахслар томонидан йўлланган.

Болалар омбудсмани 2025 йилнинг биринчи ярмида 21 та шахсий қабул ўтказиб, қабуллар давомида 87 нафар фуқаро мурожаати кўриб чиқилди.

Болалар омбудсмани Котибияти ходимлари 20 маротаба (фуқаролик, жиноят ва маъмурий судларда) суд мажлисларида бола манфаатлари юзасидан кузатувчи сифатида иштирок этдилар.

Интернет тармоғи мониторингида бола ҳуқуқларининг бузилишига оид 185 та ҳолат аниқланди ва тегишли давлат органлари билан ҳамкорликда текширилиб, бундан 60 та ҳолат болаларга нисбатан зўравонликка оид бўлиб, 16 та жиноят иши ҳамда 22 та маъмурий иш қўзғатилди.

Ота-онаси ва бошқа яқинлари берган мурожаатлар бўйича 5 нафар бола хориждан Ўзбекистонга олиб келинишига, 1 нафар бола ўз юртига, Россия Федерациясига қайтарилишига эришилди.

Россиянинг турли ҳудудларида қаровсиз қолиб кетган 16 нафар болага бўлиб турган шаҳарларида барча зарур шарт-шароитлар таъминланиб, сўнг Ўзбекистонга қайтарилди.

Бола ҳуқуқлари соҳасида миллий қонунчилик ва халқаро стандартларни тарғиб қилиш, бола манфаатлари ҳимоясига оид 1664 та медиа-материал жамоатчиликка эълон қилинди.

Мурожаатларни кўриб чиқиш ва мониторинг ташрифлари натижаларига кўра, бола ҳуқуқлари ва қонуний манфаатлари бузилишига йўл қўйилганлиги юзасидан давлат органлари ва ташкилотларга 11 та таъсир ҳужжати, яъни огоҳлантириш, тақдимнома, хулоса ва суд ҳужжати устидан протест келтириш тўғрисида илтимосномалар киритилди.

• Болалар
• Ҳуқуқ
• Омбудсман
• Россия