Ўзингизни бошқалар билан солиштириш одати ҳаётингизни бузиб юбориши мумкин. Кимдир сиздан кўра яхшироқ натижаларга эришаётганини кўриш унчалик ёқимли жараён эмас.

Бироқ, тўғри ёндашув билан, ҳасад сизнинг ҳақиқий қадриятларингизни тан олишга имкон беради. Бу туйғуни ижобий ҳаракатларга айлантиришга ёрдам берадиган баъзи усуллар мавжуд.

1. Тўғри йўналиш танланг

Бошқалар билан таққослаш сизнинг ҳақиқий эҳтиёжларингизга йўл кўрсатиши мумкин. Бу ўзингизга раво кўрмайдиган ишни амалга ошираётган одамга ҳасад қилган пайтларда содир бўлади. Фикрлаш салбий туйғуни фойдали кучга айлантиришга ёрдам беради. Шунинг учун, сизда яна ҳасад уйғонганда, ўзингиздан сўранг:

“Мен нега бу одамдан кам муваффақиятга эришдим? Агар менда ҳавас қиладиган нарса бўлса, ичимдаги қандай бўшлиқ тўлдирилади? Мен ҳақиқатан ҳам бу одамда бор нарсага эга бўлишни хоҳлайманми? Агар шундай бўлса, мен буни қанчалик хоҳлайман ва уни олиш учун ҳаракат қилишга арзийдими?”

Бу саволларга қанчалик аниқ жавоб берсангиз, энергия ва ҳис-туйғуларингизни аниқ ҳаракатлар ва стратегияларга шунчалик самарали йўналтира оласиз.

2. Тўғри маънода ҳасад қилиш

Ўзингизни бошқалар билан солиштирганда пайдо бўладиган ҳасад ажойиб туртки ва йўл-йўриқ бўлиши мумкин. Аммо у сизни ҳам ғазаблантириши аниқ.

Психологлар “яхши” ҳасад биз кимгадир қойил қолганимизда ва бу одамга тақлид қилишга ҳаракат қилганимизда, “ёмон” ҳасад эск кимнингдир бизда йўқ нарсаси борлиги сабабли очиқчасига ёқтирмасликдан пайдо бўлишини қайд этишади.

Ҳар қандай ҳасад оғриқли эканлиги аниқ бўлиши керак. Бироқ, унинг “яхши” версияси бизни ўз устимизда ишлашга ва яхшироқ бўлишга мажбур қилади ва “ёмон” версияси бизни шунчаки ёқимсиз шахсларга айлантиради.

Бошқалар эришган натижага эриша олмасак, кўпинча “ёмон” ҳасадни ҳис қиламиз. Аммо кўп ҳолларда битта одамнинг муваффақияти принципиал жиҳатдан бундай ғалаба қозониш мумкинлигини исботлайди. Фикрингизни “ёмон” ҳасаддан “яхши” ҳасадга ўтказиш учун қуйидаги ибораларни такрорлашга ҳаракат қилинг:

“Мен илҳомланаман. Балки мен ундан нимадир ўрганарман ёки уни мураббий сифатида қабул қиламан. Ҳар бир инсон ўз йўлида юради. Мен ўзим учун миннатдорман. Агар менинг кумирларим қилаётган ишларини тўхтатсалар, мен уларнинг буюк ишларига эргаша олмасдим”.

3. Кенгроқ фикрланг

Яқинларингиз билан муҳим шахсий воқеалар содир бўлганда, ҳаёт пойгасида ортда қолаётганингизни ҳис қилиш осон. Аммо 10-20 нафар танишингизни эсласангиз, уларнинг кўпчилиги сиз билан бир босқичда ва ҳатто жуда бахтли эканини тушунасиз.

Тадқиқотчилар эксперимент ўтказди, унда одамлардан югуриш қобилиятини баҳолашни сўрашди. Маълум бўлишича, иштирокчилар ўзларини энг яхши югурувчилар билан таққослашган, шунинг учун улар ўзларининг маҳоратларини ажойиб, деб билишмаган. Тадқиқотчилар, шунингдек, одамлардан ўзлари билган энг яхши 10 нафар югурувчи рўйхатини тузишни сўрашди. Бундай рўйхатнинг еттинчи ёки тўққизинчи позициясига келиб, тажриба иштирокчилари тўсатдан ўзларини анча яхши ҳис қила бошлади. Ўзини кучлироқ одамлар гуруҳи билан таққослаш иштирокчилар ва улар етарлича яхши, деб ҳисоблаганлар ўртасидаги фарқни қисқартирди ҳамда ўзига ишончни мустаҳкамлашга ёрдам берди.

4. Ўзингиз билан рақобатлашинг

Сиз ҳозир турган поғонада бўлмаслигингиз ҳам мумкин эди. Лекин улар бир пайтлар бўлган ўринда эмас, тўғрими? Тўхтанг, ютуқларингиз ва улар туфайли олган кўникмаларингизни баҳоланг. Бу ўз-ўзидан ғурур туйғусини уйғотади ва “ёмон” ҳасаддан халос бўласиз.

Ўз-ўзини таққослашни одат қилишнинг энг осон йўли ҳар ой қуйидаги саволларни ўйлаб кўришдир:

“Сўнгги бир неча ҳафта ичида мен нимани ўргандим? Мен қандай қийинчиликларга дуч келдим? Нимани бошқача қилиш керак эди, мен ҳозир нималарни биламан? Мен қандай ютуқларга эришдим?”

Ҳа, сиз ўзингизни бошқалар билан солиштиришдан тўхтата олмайсиз. Аммо мақоладаги баъзи маслаҳатларни амалда қўллаш орқали сиз ушбу таққослашни ўзингизнинг фойдангизга қандай ишлатишни ўрганишингиз мумкин. Эсда тутингки, сиз айсбергнинг фақат учини кўряпсиз, айниқса ижтимоий тармоқларда. Ҳаёти мукаммал кўринадиган одам сиз бардош бера олмаётган қийинчиликларни енгиб ўтган бўлиши мумкин.

Яна бир маслаҳат: ўзингизни нафақат кўпроқ ютуқларга эришганлар билан, балки сиз омадсиз сифатида баҳолайдиган инсонлар билан ҳам солиштиринг. Шунда энг охирида эмаслигингизга ишонч ҳосил қиласиз.

• Mashhurlik
• Psixolog
• hasad
• машҳурлар
• raqobat