Бразилиялик аралаш услубдаги жангчи Чарлз Оливейра UFC 280 турнирининг асосий жангида Ислом Махачевга қарши чемпионлик жангидаги мағлубиятга изоҳ берди.

«Ҳа, айтадиган ҳеч нарса йўқ. У шунчаки мен қилмаган ишларни қилди. У жангни бошқарди, натижада у мени йиқитди ва ҳаммасини охиригача олиб келди. Қўшимча қиладиган ҳеч нарса йўқ.

Бугун, эртага, мен ҳар доим жанг қилишга тайёрман, бу муҳим эмас. Мен имкон қадар тезроқ жанг қилишни хоҳлайман.

Ҳеч ким менга ҳаётдек қаттиқ зарба беролмайди. Мен йиқилдим. Лекин мен ўрнимдан туриб ўша камарни қайтариб оламан», – деди Оливейра жангдан кейинги матбуот анжуманида.

Қайд этиш мумкин, бу Оливейра учун UFC даги тўққизинчи мағлубият сифатида қайд этилди.

Эслатиб ўтамиз, Махачев иккинчи раундда Оливейрани бўғиш услуби орқали муддатидан аввал ғалаба қозонди.

Оливейра учун бу мағлубият аралаш яккакурашлар бўйича тўққизинчи мағлубият бўлди. Бразилиялик ўзининг 11 жанглик ғалабали церийасига чек қўйди.

Махачев эса ўз навбатида UFC даги қаторасига 11-ғалабасини қўлга киритди. Унда ҳаммаси бўлиб ММАда 23 та ғалаба ва битта мағлубият бор.

• Фикр
• Оливейра
• UFC