Уюшган жиноятчиликка қарши курашиш йўналишида ДХХ ва ИИВ органлари томонидан ўтказилган тезкор-қидирув тадбирлари давомида Тошкент вилоятининг Чирчиқ шаҳрида ўзларини қонундан устун қўйиб, кўча ечими ва безорилик билан шуғулланган бир гуруҳ шахслар қўлга олиниб, уларга нисбатан жиноят иши қўзғатилди. Бу ҳақда ДХХ хабар берди. Қуйидаги шахслар умумеътироф этилган хулқ-атвор нормалари ва жамиятда ўрнатилган юриш-туриш қоидаларини менсимасдан, ошкора равишда жамоат тартибини бузиб, безориликлар содир этишган. Фуқароларга руҳий ва жисмоний босим ўтказиш орқали пул топиш билан шуғулланишган:

Саидов Икром Эркинович, 1988 йилда Бухоро вилоятида туғилган, муқаддам Жиноят Кодексининг 277-моддаси билан судланган;

Саидов Ислом Эркинович, 1990 йилда Бухоро вилоятида туғилган, муқаддам Жиноят Кодексининг 267-моддаси билан судланган;

Баизбаев Умиджон Зафар ўғли, 1998 йилда Тошкент вилоятида туғилган;

Рустамов Аъзамжон Мансурович, 2001 йилда Бухоро вилоятида туғилган;

Супонов Қурбонали Носирович, 2002 йилда Навоий вилоятида туғилган;

Фармонов Мирзохид Шухратович, 1988 йилда Қашқадарё вилоятида туғилган.

“Ҳурматли фуқаролар! Агарда сиз ушбу шахсларнинг ноқонуний ҳаракатларидан жабр кўрган бўлсангиз ДХХнинг 1520 ёки ИИВнинг 102 қисқа рақамларига қўнғироқ қилишингиз мумкин”, – дейилади хабарда.

• Чирчиқ
• ДХХ
• ИИВ
• Toshkent viloyati