Олий Мажлис Қонунчилик палатаси депутати Расул Кушербаев Ўзкомназорат бошлиғига Twitter’нинг блокланиши масаласида депутатлик сўрови киритганини маълум қилди.

У, шунингдек, бу каби чекловлар интернет фойдаланувчилари орасида салбий оқибатларни келтириб чиқариши мумкинлигидан ўз хавотирини билдиради.

“Бу масалада асослантирилган тушунтириш бериш ва чекловни олиб ташлаш чораларини кўриш масаласидаги талаб билан депутатлик сўрови киритдим.

Фикримча, бу каби чекловлар ижобий натижадан кўра, кўпроқ салбий оқибат келтириб чиқармоқда. Чунки фойдаланувчилар Интернетдаги “блок”ларни айланиб ўтиш мақсадида турли VPN дастурларидан фойдаланиш ортидан бошқа хавфли ва таъқиқланган манбалардан ҳам фойдаланишга ўтиб, каттароқ ҳуқуқбузарликларга йўл қўйишмоқда”, – дейди депутат.

Тартибга кўра, мазкур депутатлик сўровига Ўзкомназорат 10 кун ичида жавоб бериши керак бўлади.

• Депутат
• Кушербаев
• O‘zkomnazorat
• Twitter