Компьютерлар учун процессорлар ишлаб чиқарувчи Nvidia акцияларининг бозор қиймати қисқа вақт ичида 3,53 триллион долларга етди. Бу ҳақда Reuters хабар берди.

Қайд этилишича, акциялари қиймати рекорд даражада ўсган Nvidia компанияси Apple ўрнига дунёдаги энг қиммат компанияга айланган. Nvidia’нинг сунъий интеллектга ихтисослашган чипларига бўлган талаб ортиб кетган.

Маълумотларига кўра, Nvidia акцияларининг бозор қиймати қисқа вақт ичида 3,53 триллион долларга етган, бу Apple’никидан бироз юқори — унинг қиймати 3,52 триллион долларга баҳоланмоқда.

Июнь ойида ҳам Nvidia Microsoft ва Апплеъни ортда қолдириб, қисқа муддатга дунёдаги энг қиммат компанияга айланган эди. Технологик учликнинг бозор капитализацияси бир неча ойдан бери бир-бирига жуда яқин.

Хусусан, Microsoft’нинг бозор қиймати 3,2 триллион долларга етган, акциялари нархи эса 1,3 фоизга қимматлашган.

• Apple
• Microsoft