AFP агентлигининг хабарига кўра, президент Даниэл Нобоа Эквадорнинг марказий қисмидаги Каняр провинциясидалигида унинг кортежини юзлаб одамлар ўраб олиб, тош ва ғишт отган, шунингдек, ўқотар қуроллардан фойдаланган.

“Кортеж олдида тахминан 500 киши пайдо бўлиб, унга тошлар отишди. Бундан ташқари, президент автомобилида ўқ излари аниқ кўриниб турибди”, — деди Эквадор атроф-муҳит вазири Инес Мансано.

Унинг айтишича, беш киши қўлга олинган, президентнинг ўзи эса жабрланмаган. Қўлга олинганлар “терроризм ва суиқасдга уриниш” бўйича жавобгарликка тортилади.

Шунингдек, агентликнинг ёзишича, ҳозирда Эквадорда дизель ёқилғиси нархининг оширилишига қарши оммавий норозилик намойишлари бўлиб ўтмоқда, бу норозиликлар тўқнашувларга сабаб бўлмоқда. Ҳукумат эса тартибсизликларда наркокартелларни айбламоқда.

• Эквадор
• Президент
• Tartibsizlik
• hujum