2022 йил 1 майдан бошлаб янги таҳрирдаги Йўл ҳаракати қоидалари амалга киритилади.

Унга кўра, эндиликда конструкциясида хавфсизлик камарлари назарда тутилган транспорт воситаси ҳаракатланиб бораётганда ҳайдовчи ва унинг олд ўриндиғидаги йўловчилар ҳаркатни бошлашдан олдин хавфсизлик камарини тақиб олишлари шарт.

Қуйидаги шахсларга хавфсизлик камарини тақмасликка рухсат берилади:

– автомобилнинг орқа ўриндиғидаги 12 ёшгача бўлган болалар (ушбу Қоидаларнинг 159-бандига мувофиқ);

– транспорт воситасини ўқувчи бошқараётган вақтда автомототранспорт воситасини ёки шаҳар электр транспортини бошқаришни ўргатувчи амалий машғулотлар инструктори;

– ҳомиладор аёллар, саломатлиги хавфсизлик камари тақиш имконини бермайдиган бемор йўловчилар ( Соғлиқни сақлаш вазирлиги томонидан белгиланган касалликлар рўйхатига мувофиқ ва ушбу касалликлар билан касалланганлиги бўйича тиббий маълумотнома мавжуд бўлганда);

– хизмат вазифасини бажараётган ходимга бириктирилган кўк ёки қизил ёхуд қизил рангли ялтироқ маёқчаси билан жиҳозланган ҳамда махсус рангли бўёқ схемалар ва ёзувлар билан белгиланган транспорт воситалари ҳайдовчилари ва йўловчилари;

– Мотоцикл ва мопедда ҳаракатланаётган ҳайдовчи ва йўловчилар махсус мотошлем кийишлари ва уни қадаб олишлари шарт.

Хавфсизлик камарини тақмасликка амалдаги тартиб бўйича берилган рухсатлардан, жумладан, қуйидагилар чиқариб юборилган:

– орқага ҳаракатни амалга ошираётган ҳайдовчилар;

– аҳоли пунктларида ҳаракатланишда – йўналишли такси ҳайдовчилари, таксининг орқа ўриндиғидаги йўловчилар;

– аҳоли пунктларида ташқи қисмига махсус рангли график чизмалар чизилган транспорт воситалари ҳайдовчилари ва йўловчилари.

• Фойдали
• ЙҲҚ
• ЙҲХБ
• қизиқарли