Эронда ҳукуматида ҳижоб тўғрисидаги қонун бўйича келишмовчилик келиб чиқди. Парламент томонидан қабул қилинган янги қонун аёллар учун ҳижобни мажбурий кийиш талабларини кучайтиради ва уни бузганлик учун қаттиқ жазоларни белгилаш назарда тутилади. Бироқ, Эрон президенти Масъуд Пезешкиён  янги ижтимоий тартибсизликларни келтириб чиқариши мумкинлигидан қўрқиб, ушбу қонунга вето қўйди.

Hamshahri нашри ёзишича, президент бу масалани Эронда асосий қарорларни қабул қилувчи орган бўлган миллий хавфсизлик Олий Кенгашига топширган. Ушбу қадам қонуннинг қисман бекор қилинишига сабаб бўлиши мумкин.

Жамоатчилик босими ва ҳукуматдаги келишмовчиликлар фонида ушбу қонун қабул қилиниши вақтинча тўхтатилди. Жазо таҳдидларига қарамай, Эроннинг йирик шаҳарларидаги кўплаб аёллар мажбурий ҳижобга қарши очиқ намойишлар қилишда давом этмоқда.

• Eron
• hijob