7 октябрдан бери Исроилнинг Ғазо секторига уюштирган ҳужуми натижасида тахминан 16 314 нафар фаластинлик бола ҳалок бўлган. Бу ҳақда Ғазо ҳукумати матбуот бўлими хабар берди.

Ғазо ҳукумати матбуот бўлими Исроилнинг анклавга 300 кунлик ҳужумлари муносабати билан қилган баёнотида, қурбонлар орасида Исроилнинг анклавдаги блокадаси туфайли очликдан ўлган 35 нафар бола ҳам борлиги таъкидланди.

Исроил ҳужумида 10 980 нафар аёл, 885 нафар тиббиёт ходими, 165 нафар журналист ва 79 фуқаро мудофаа ходими ҳалок бўлганлиги қўшимча қилинди.

Маҳаллий соғлиқни сақлаш идоралари маълумотларига кўра, уруш бошидан бери 39 500 га яқин фаластинлик ўлдирилган, уларнинг асосий қисмини аёллар ва болалар ташкил қилади. Шунингдек, 91 000 дан ортиқ киши оғир яраланган.

Бундан ташқари, Ғазонинг катта ҳудудлари вайронага айланган. Озиқ-овқат, тоза сув ва дори-дармон тўсиб қўйилган.

• Фаластин
• Isroil