Фарғона вилояти Фурқат туманидаги 29-мактабнинг собиқ директори Гулираъно Қосимова фуқаролик ишлари бўйича Фарғона туманлараро судининг ҳал қилув қарори билан аввалги иш жойига тикланди ҳамда унга 3 ойлик мажбурий йўқлама (прогул) даври учун иш ҳақи ундириб бериладиган бўлди. Бу ҳақда Фарғона вилоят судлари маълум қилди.

Суд даъвогарнинг аризасини кўриб чиқиб, унинг ишдан бўшатилиши тўғрисидаги буйруқни ғайриқонуний деб топди. Қарорга асосан, даъво аризасида келтирилган ҳолатлар ҳаққоний деб баҳоланиб, фуқаронинг талаби тўлиқ қаноатлантирилган.

Гулираъно Қосимова аввалроқ иш жойида ўтказилган турли ноқонуний текширувлар, шунингдек, яқинларига қилинган босимлар сабаб, лавозимидан кетишга мажбур бўлган эди.

• Фарғона
• Суд