Ливаннинг “Ҳизбуллоҳ” ҳаракати Исроил қўшинларининг Ливан жанубидан олиб чиқилишини диққат билан кузатиб боришини ва тўлиқ жанговар тайёргарликда қолишини айтди. Ушбу фикрлар Исроил ва Ливаннинг сулҳ битимидан кейинги биринчи баёнотда айтиб ўтилди.

Ушбу баёнотда “Ҳизбуллоҳ” жангчилари Исроил томонидан қилинган ҳар қандай тажовузни қайтаришга тайёр эканлиги таъкидланган. Шунингдек, ҳаракат кучлари Исроил армияси устидан ғалаба қозониб, унинг мақсадларига зарба бергани ва мағлубиятга учратгани ҳақида ҳам айтиб ўтган.

Бундан ташқари, баёнотда Исроилнинг Ливанга қарши ҳужумларига қаршилик кўрсатиши ҳақида ҳам маълумотлар келтирилган. 2023 йил 8 октябрда Ғазо секторини қўллаб-қувватлаш учун бошланган Исроил билан тўқнашувларда 417 кун ичида 4637 дан ортиқ ҳарбий операциялар ўтказилган.

“Ҳизбуллоҳ” маълумотларига кўра, улар орасида 1666 та ҳарбий операция ҳам бор. “Ҳизбуллоҳ”нинг таъкидлашича, унинг жангчилари Исроил армиясининг позициялари, базалари ва казармаларига, шунингдек, Ливан чегарасидан Тел-Авивдан ташқаридаги ҳудудларга қадар Исроил шаҳарлари ва аҳоли пунктларига зарба беришган. Шунингдек, улар Исроил қўшинларининг Ливанга қуруқликдаги ҳужумларини муваффақиятли қайтаришди.

• Isroil
• Livan