Нью-Ёрк судида тадбиркор Илон Маск ва унинг SpaceX ва Tesla компанияларига қарши 258 миллиард долларлик даъво қўзғатилди.

Тадбиркор Dogecoin криптовалютаси орқали “крипто пирамида”да яратишда айбланмоқда. Бу ҳақда тегишли ҳужжатга таяниб, “Reuters” хабар берди.

“Айбланувчилар Илон Маск, SpaceX ва Tesla Dogecoin криптовалютаси орқали крипто-пирамидага жалб қилинган”, – дейилади агентлик хабарида.

Даъвода айтилишича, Маск 2019 йилда ушбу криптовалютани ишлаб чиқиш ва тарғиб қилишни бошлаганидан бери даъвогар Кейт Жонсон ва у номидан гапираётган бошқа фуқаролар деярли 86 миллиард доллар йўқотган.

Bloomberg маълумотларига кўра, Dogecoin нархи биржада 16 июн куни 0,05 доллар даражасида сақланиб турган, бу йил у тахминан 67 фоизга тушган. Ўтган йилнинг майида у 0,7 долларлик чўққига чиқиб, кейин пасайишни бошлаганди.

Маълумот учун, 2013 йилда ишлаб чиқарилган Dogecoin Илон Маскнинг севимли криптовалюталаридан биридир. Ва у буни бир неча марта, шу жумладан ўз нутқлари ва нашрларида тарғиб қилган. Шундай қилиб, 2021 йил декабр ойида Tesla Dogecoin'да тўловларни қабул қила бошлаган, бу эса ушбу криптовалюта нархининг 24% га ошишига олиб келди. 2021 йил феврал ойида эса Илон Маск ўзининг Twitter’ида Dogecoin’ни “одамлар учун крипто” деб атади, бу унинг қийматини бир вақтнинг ўзида 80 фоизга оширди. Бироқ, бизнесменнинг бу муваффақияти узоққа чўзилмади.

• Ilon_Mask
• Жаҳон
• Криптовалюта
• Пирамида
• Суд