“Индонезиянинг Шимолий Суматра провинциясида кўчкилар туфайли камида 27 киши ҳалок бўлди”, – дея хабар бермоқда ТАСС нашри мамлакат миллий фавқулодда вазиятлар агентлигига таяниб.

Қутқарувчилар бедарак йўқолган одамларни топишга ва кўчкидан зарар кўрган йўлларни тозалашга ҳаракат қилишмоқда. Хабарга кўра, кўчкилар кучли ёмғир ёғиши ортидан келиб чиққан. Табиий офат турар-жой бинолари, масжидлар ва шоли далаларига зарар етказган.

Аввалроқ, иқлимшунослар Индонезия 2024 йил охиригача экстремал об-ҳаво шароитларига дуч келиши ҳақида огоҳлантирган эди, чунки “Ла-Нинё” иқлим ҳодисаси туфайли архипелагда ёғингарчилик кўпаяди.

Ла-Нинё – Тинч океанининг марказий ва шарқий қисмида сув юзасининг совуқ ёки ўртачадан паст ҳароратда бўлишидир.

• Indoneziya
• ko‘chki