Стажёр шифокорларнинг 70 фоиздан ортиғи тиббиёт олий таълим муассасаларида талабалар сонини кўпайтириш режасидан норози. Бу ҳақда "Yonhap" хабар берди.

Қайд этилишича, шифокорлар ва ҳукумат келгуси йилда тиббиёт соҳасида қабул квотаси 2000 ўринга кўтарилиши режаси бўйича аҳоли саломатлиги билан боғлиқ хавотирлар кучайган.

Бешта касалхонада операциялар бекор қилинган ва кейинга қолдирилган.  У ерда оғир беморларга ғамхўрлик қилишда муҳим рол ўйнайдиган стажёр шифокорлар ишдан кетишган.

Сешанба ҳолатига кўра, истеъфога чиққан шифокорларнинг умумий сони 8816 нафарни ёки стажёрларнинг 71,2 фоизини ташкил этди, деди соғлиқни сақлаш вазирининг иккинчи ўринбосари Пак Мин Су журналистларга.

Унинг қайд этишича, ҳукумат 6112 нафар стажёр шифокорни ишга қайтишга буйруқ берган.

“Дунёнинг ҳеч бир давлатида тиббиёт ходимларининг жамоавий чора кўриши ва оғир беморларни ёрдамсиз қолдириш ҳолатлари кузатилмаган. Мен шифокорларнинг ўз ҳуқуқлари беморларнинг ҳаётидан устун туришига ишонадиган ғоядан ҳафсалам пир бўлди ва хавотирдаман", - деди у.

Мамлакат Таълим вазирлиги маълумотларига кўра, тиббиёт факультетининг 8753 нафар талабаси ўқишдан озод қилиш учун ариза топширган.

Бу тиббиёт факультети талабалари умумий сонининг 43,8 фоизини ташкил этади, дея хабар беради "Yonhap".

• Корея
• Шифокор
• Тиббиёт