Ўзбекистон миллий терма жамоаси сардори Элдор Шомуродовнинг 2026-йилги Жаҳон чемпионати гуруҳ босқичида Конго ДР дарвозасига киритган голи Жаҳон чемпионатининг энг чиройли голи соврини учун якуний даъвогарлар рўйхатидан ўрин олди. Бу ҳақда ФИФА хабар берди.

ФИФА томонидан эълон қилинган якуний рўйхатга турнир давомида урилган энг яхши 12 та гол киритилган. Ғолиб номи мусобақа якунлари бўйича мухлислар овози орқали аниқланади.

Эътиборлиси, Шомуродовнинг Конго ДРга қарши киритган голи аввалроқ гуруҳ босқичининг энг яхши голи деб топилганди. Эндиликда ушбу гол турнирнинг энг чиройли голи бўлиши учун ҳам номзодлар қаторидан жой олди.

Якуний даъвогарлар орасида Жулиан Алварес (Аргентина), Килиан Мбаппе (Франсия), Жуд Беллингем (Англия), Педро Порро (Испания), Энсо Фернандес (Аргентина) каби жаҳон футболи юлдузларининг голлари ҳам мавжуд.