Бугун, 8 июль куни Швейсария миллий терма жамоаси 2026 йилги Жаҳон чемпионати 1/8 финалида Колумбияни пенальтилар сериясида мағлуб этиб, чорак финал йўлланмасини қўлга киритди. Ванкувер шаҳрида бўлиб ўтган учрашувнинг асосий ва қўшимча бўлимлари 0:0 ҳисобида якунланди. Пенальтилар сериясида эса швейсарияликлар 4:3 ҳисобида устун келди. Шу тариқа, Ўзбекистон миллий терма жамоаси билан бир гуруҳдан жой олган барча жамоалар мундиал билан хайрлашди.

Аввалроқ Конго ДР турнирни тарк этган бўлса, Португалия ва Колумбия ҳам 1/8 финал босқичида мусобақани якунлади. Швейсария эса ўз тарихида тўртинчи марта ва сўнгги 72 йил ичида илк бор Жаҳон чемпионати чорак финалига чиқишга муваффақ бўлди. Энди швейсарияликлар кейинги босқичда амалдаги жаҳон чемпиони Аргентина билан баҳс олиб боради. Аргентина 1/8 финалда Мисрни 3:2 ҳисобида мағлуб этганди. Маълумот учун, 2026 йилги Жаҳон чемпионати АҚШ, Канада ва Мексикада бўлиб ўтмоқда. Мусобақада тарихда илк бор 48 та миллий терма жамоа иштирок этмоқда. Турнир 19 июль куни якунланади.