АҚШ, Канада ва Мексика мезбонлик қилган футбол бўйича Жаҳон чемпионати ФИФА тарихидаги энг даромадли турнирга айланди.

АҚШ, Канада ва Мексикада бўлиб ўтган футбол бўйича Жаҳон чемпионати Халқаро футбол федератсияси — ФИФА тарихидаги энг муваффақиятли тижорий мусобақага айланди.

ФИФА президенти Жанни Инфантинонинг маълум қилишича, турнирдан олинадиган умумий даромад 15 миллиард доллардан ошиши кутилмоқда.

Тҳе Гуардиан нашрининг ёзишича, аввалроқ федератсия мусобақадан 11 миллиард доллар даромад олишни режалаштирган эди. Даромаднинг кутилганидан юқори бўлишига асосан ВИП хизматлар ва чипталар савдоси, айниқса иккиламчи бозордаги сотувлар ҳисса қўшган.

Финал ўйини учун “Тропҳй Лоунге” ВИП ложаси чипталари ФИФА расмий сайтида бир киши учун 34,5 минг доллардан сотилган. Финал олдидан иккиламчи бозорда оддий чипталар нархи эса 10 минг долларгача кўтарилган.

Даромад уч баробар ошди

Маълум қилинишича, ушбу маблағлар 2023–2026 йиллар сиклига тегишли бўлиб, унга 2026-йилги Жаҳон чемпионатига тайёргарлик харажатлари ҳам киритилган.

Даромаднинг кескин ўсишига турнир иштирокчилари сонининг 32 тадан 48 та жамоагача кўпайтирилгани ҳам таъсир қилган.

Таққослаш учун, 2018-йил Россияда ўтган Жаҳон чемпионати ФИФАга 6,4 миллиард доллар даромад келтирган бўлса, 2022-йил Қатардаги мундиалнинг тўрт йиллик сикли бўйича даромади 7,5 миллиард долларга етган.

Навбатдаги режа

Жанни Инфантинонинг билдиришича, ФИФА 2030-йилдан бошлаб Жаҳон чемпионати иштирокчилари сонини 64 та терма жамоагача ошириш имкониятини ҳам кўриб чиқмоқда.

Политиcо маълумотига кўра, бу ташаббуснинг асосий мақсадларидан бири мусобақанинг тижорий салоҳиятини янада ошириш ва йирик бозорларни жалб қилишдир.

Бироқ футбол жамоатчилигининг бир қисми бундай кенгайтириш мусобақа сифатига салбий таъсир қилиши ва кучсиз жамоалар сони ортишига олиб келиши мумкинлигини таъкидламоқда.

Эслатиб ўтамиз, 2026-йилги Жаҳон чемпионати ғолиби Испания терма жамоаси бўлди ва у ўз тарихида иккинчи марта ушбу унвонни қўлга киритди.