19 июль куни бўлиб ўтган Жаҳон чемпионатининг учинчи ўрин учун баҳсида Англия терма жамоаси Францияни 6:4 ҳисобида мағлуб этди ва бронза медалларига сазовор бўлди. Англия сафида голларга Деклан Райс (3-дақиқа), Эзри Конса (18), Букаё Сака (37, 45+1, 87) ва Жуде Беллингем (90+8) муаллифлик қилди. Франция таркибида эса Килиан Мбаппе (48, 66), Бредли Баркола (54) ва Усмон Дембеле (90+6) гол урди.

Мазкур учрашув Жаҳон чемпионатлари тарихида учинчи ўрин учун ўтказилган энг сермаҳсул баҳс сифатида қайд этилди. Аввалги рекорд 1958 йилда Франция ва Ғарбий Германия ўртасидаги 6:3 ҳисобидаги ўйинда ўрнатилган эди. Маълумот учун, Англия терма жамоаси ўз тарихида иккинчи марта Жаҳон чемпионати медалини қўлга киритди. Унинг ягона чемпионлиги 1966 йилда қайд этилган.