“Сантос” ҳужумчиси Неймар Бразилия терма жамоаси ЖЧ–2026дан чиқиб кетганидан сўнг фаолиятини якунлаши мумкин. Бу ҳақда UOL нашри хабар берди.

Манбага кўра, клуб 34 ёшли футболчига дам олиш ҳамда келажаги борасида якуний қарор қабул қилиши учун 10 кун муҳлат берган. Катта эҳтимол билан, ҳужумчи жамоага қайтади ва йил якунига қадар мўлжалланган шартномасини охиригача етказади. Шунга қарамай, ЖЧ–2026даги муваффақиятсизликдан кейин футболчи руҳий тушкунликни бошдан кечирмоқда. У Бразилия терма жамоаси сафидаги 15 йиллик фаолияти давомида қилган хизматлари муносиб баҳоланмади деб ҳисоблайди. Шу сабабли Неймар босим камроқ бўлган бошқа клубга ўтиш ёки фаолиятини бутунлай якунлаш вариантларини ҳам кўриб чиқмоқда. Яқин кунларда бразилиялик футболчи ўз келажагини “Сантос” раҳбарияти билан муҳокама қилади.

• Braziliya
• Футбол
• Жаҳон чемпионати
• Неймар
• Спорт