Бугун, 8 июль куни 2026 йилги Жаҳон чемпионатининг 1/8 финал босқичи якунланди ва чорак финалда иштирок этадиган барча жамоалар номи аниқ бўлди. Нимчорак финалнинг сўнгги кунида Аргентина – Миср ҳамда Швейсария – Колумбия учрашувлари бўлиб ўтди. Атлантада кечган баҳсда амалдаги жаҳон чемпиони Аргентина 0:2 ҳисобида ортда бораётганига қарамай, иродали камбек амалга ошириб, 3:2 ҳисобида ғалаба қозонди.

Швейсария эса Колумбияни асосий ва қўшимча бўлимларда 0:0 ҳисобидан сўнг пенальтилар сериясида 4:3 ҳисобида мағлуб этиб, 1954 йилдан буён илк бор Жаҳон чемпионати чорак финалига йўл олди. Шу тариқа, чорак финал жуфтликлари тўлиқ шаклланди: 10 июль — Франция 🇫🇷 вс Марокаш 🇲🇦 (Фоксборо) 10 июль — Испания 🇪🇸 вс Белгия 🇧🇪 (Лос-Анжелес) 11 июль — Норвегия 🇳🇴 вс Англия (Маями) 12 июль — Аргентина 🇦🇷 вс Швейсария 🇨🇭 (Канзас-Сити) Ярим финал баҳслари 14 июль куни Арлингтонда, 15 июль куни эса Атлантада бўлиб ўтади.