2026-йилги Жаҳон чемпионати ярим финалида Аргентина Англияни 2:1 ҳисобида мағлуб этиб, кетма-кет иккинчи марта финал йўлланмасини қўлга киритди. Учрашувда ҳисобни 55-дақиқада Англия ҳужумчиси Энтони Гордон очди. Аргентина 85-дақиқада Энсо Фернандеснинг голи эвазига мувозанатни тиклади. Қўшимча вақтнинг иккинчи дақиқасида эса Лаутаро Мартинес ғалаба голини уриб, жамоасини финалга олиб чиқди. Шу тариқа, Аргентина ўз тарихида 7-марта Жаҳон чемпионати финалига йўл олди.

Бу натижа билан аргентиналиклар финаллар сони бўйича Италияни ортда қолдириб, Бразилия билан тенглашди. Бу борада фақат Германия саккизта финал билан олдинда. 19 июль куни бўлиб ўтадиган финалда Аргентина ярим финалда Францияни 2:0 ҳисобида мағлуб этган Испанияга қарши майдонга тушади. Қайд этилишича, Аргентина терма жамоаси Жаҳон чемпионатлари тарихида иштирок этган барча ярим финал баҳсларида ғалаба қозонган. Англия эса тарихида тўртинчи марта ярим финалга чиқди.