Бугунги Женнифер Лопез концерти муносабати билан “Тошшаҳартрансхизмат” томонидан концерт иштирокчилари учун махсус автобуслар ҳаракати йўлга қўйилди. Бу автобуслар орқали сиз концертга хавфсиз ва ўз вақтида етиб боришингиз мумкин. Бу ҳақда “Тошшаҳартрансхизмат” АЖ матбуот хизмати хабар берди.

Автобуслар қуйидаги манзиллардан ҳаракатланади:

– “City Mall” савдо кўнгилочар мажмуаси олди майдони;

– “Hyatt Regency” меҳмонхонаси олди майдони;

– “Humo Arena” муз саройи олди майдони.

Ҳаракат бошланиши: соат 16:00 дан ва бепул, автобуслар тўхтовсиз қатновни амалга оширади.

Автобусларнинг олд ойнасида “Бунёдкор стадиони” деган ёзув бўлади — айнан шу белгига қараб таниб олишингиз мумкин.

“Концерт тугагач, ушбу автобуслар сизни ўзингиз чиққан манзилга қайтариб олиб келади”, – дейилади хабарда.

• Автобус
• Тошшаҳартранс
• konsert