Кейинги ҳафтада жиноят ишлари бўйича Тошкент шаҳар Шайхонтоҳур тумани судида “Kompromatuzb иши” кўрила бошлайди. Бу ҳақда инсон ҳуқуқлари фаоли Абдураҳмон Ташанов хабар берди.

Қайд этилишича, Бош прокуратура томонидан тасдиқланган айблов хулосасига кўра, 4 нафар шахс — Human.uz сайти асосчиси ва муҳаррири Хуршид Далиев, Меҳнат муносабатлари ва бандлик вазирлиги матбуот котиби Мавжуда Мирзаева, “Ўзбекнефтгаз” АЖ матбуот котиби Сиёвуш Ҳошимов ва фуқаро Аҳмадулло Аҳмаджоновлар ЖКнинг 165-моддаси 3-қисми (Товламачилик) ва 243-моддаси (Жиноий фаолиятдан олинган даромадларни легаллаштириш) билан айбланишмоқда.

“Ҳозирча суд куни белгиланмаган. Қоидага кўра, маҳкамага раислик қилувчи судя компютер дастури бўйича тасодифий танланади. Суд очиқ ёки ёпиқ ўтказилиши аниқ эмас”,– дейилади хабарда.

Ўзбекистон Республикаси ДХХ Тергов бошқармаси томонидан олиб борилган тергов ҳаракатлари даврида жиноят ишининг бошқа иштирокчиларига оид қисми Ўзбекистон ЖПК талаблари асосида алоҳида иш юритувига олинган.

• Abdurahmon Tashanov
• Олий суд